Di Giacomo, Salvatore - Marzo

Prima che termini marzo, dedichiamogli questa bellissima poesia di Salvatore Di Giacomo:

Marzo

Marzo: nu poco chiove
e n’ato ppoco stracqua
torna a chiovere, schiove,
ride ‘o sole cu ll’acqua.

Mo nu cielo celeste,
mo n’aria cupa e nera,
mo d’’o vierno ‘e tempesta,
mo n’aria ‘e Primmavera.

N’ auciello freddigliuso
aspetta ch’esce ‘o sole,
ncopp’’o tturreno nfuso
suspireno ‘e vviole.

Catarì!…Che buo’ cchiù?
Ntiénneme, core mio!
Marzo, tu ‘o ssaie, si’ tu,
e st’ auciello songo io.​
 
A

Antonio_76

Guest
Marzo è una poesia di straordinaria bellezza e musicalità, ma Salvatore di Giacomo è anche un poeta "metafisico":


Mbriaco

Sì, mbriaco stonco io. Ma cchiù lucente
zennià veco 'e stelle a ciento a ciento,
e veco 'a luna ca mme tene mente
'a miez a tutte sti munete 'argiento.

Ma mo pecchè, pecchè stu sciato 'e viento
passa e suspira ? Calculatamente
mme va cuntanno 'e patimente e 'o stiento
'e tant' affritta e disperata gente...

Che mme ne mporta? Nun songo io pur uno
ca campanno patesce? Io d' 'a furtuna
mia sbenturata mai parlo a nisciuno...

Vevo... pe mme scurdà... Ma 'o vino niro
mme s'è fatto p' 'a via. Scumpare 'a luna
suspira 'o viento. E mo pur io suspiro .. .
 
Alto